Konektatzeko esteka datorren ostiralean, azaroak 17, argitaratuko da webgunearen azalean.
AGREE proiektua bere amaierara iritsiko da eta datorren azaroaren 21ean proiektua ixteko jardunaldia egingo da Eusko Jaurlaritzaren Egoitza Nagusiko auditoriumean (Lakua), Donostia kalea, 1. 01010 Vitoria-Gasteiz. Araba.
AGREE proiektua 2019ko irailean hasi zen, eta lau urte hauetan proiektu bat garatu du, Euskadiko bizitegi-eraikinen energia-eraginkortasuna hobetzeko birgaitze-obrak egitea errazteko. Urte hauetan, zeinetan proiektuak mundu-mailako pandemia gogor baten baldintzei aurre egin behar izan baitie, gogotik lan egin da Euskal Autonomia Erkidegoko bizitegi-etxebizitzetako eraikin pribatuen energia eraginkortasunez modernizatzeko inbertsioak bultzatzeko, eskaria eta agregazioa aktibatzeko mekanismo berritzaileak garatuz eta hedatuz, gobernantza hobetuz eta finantzaketa-irtenbide pertsonalizatuak emanez.
Eusko Jaurlaritzako Lurralde Plangintza, Etxebizitza eta Garraio Saileko Etxebizitza Sailburuordetzak, hiru euskal hiritako (Donostia, Vitoria-Gasteiz eta Basauri) hirigintza-sozietateekin lankidetza estuan, IHOBEk (Udalerri Jasangarrien Euskal Sarearen Idazkaritza Teknikoa, Udalsarea 2030) eta Tecnaliak konponbide berritzaileak jarri dituzte martxan 1940-80 bitarteko etxebizitza-eraikinak modernizatzeko, bai energia-eraginkortasunaren ikuspegitik (fatxada), bai irisgarritasunaren ikuspegitik (igogailua jartzea), 3 proiektu piloturen bidez, 8,5 milioi euro inguruko inbertsioa mugiarazteko eta urte hauetan 250 tona CO2eq/urte murrizteko.
Ekitaldira joateko, antolatzaileek gonbidapena egiten dute lehenik, eta bertaratzea baieztatuko da, edukiera mugatua baita. Mesedez, jardunaldian aurrez aurre parte hartu nahi baduzu, bidali mezu elektroniko bat helbide honetara, bertaratzea baieztatu ahal izateko: agree.comunicacion@ihobe.eus
Auditoriumeko edukierak jardunaldi honetara joateko ezartzen duen muga dela eta, ekitaldi osoa Internet bidez ere emango da zuzenean, ZOOM bidez, bertaratzeko interesa izan dezaketen pertsona guztientzat.
Eguneko agenda honako hau izango da (zirriborroa da oraindik):
AGENDA:
- 10:00 – 10:30: ETXEBIZITZA SAILA EJ/GV – HOUSING DEPARTMENT EJ/GV
- MARIO YOLDI jauna (Etxebizitza Plangintzaren eta Prozesu Eragileen Zuzendaritza – Eusko Jaurlaritza)
- 10:30 – 11:00: TECNALIA
- PATRICIA MOLINA andrea (Urban Planner PhD, Director of City, Territory and Environment – Tecnalia Research & Innovation)
- 11:00 – 11:15: IHOBE
- AITOR SAEZ DE CORTAZAR jauna (Ekonomia Zirkularreko Arloa – IHOBE)
- 11:15 – 11:30: GALDERAK
- 11:30 – 12:00: COFEE & NETWORKING
- 12:00 – 12:15: OPENGELA
- ANDONI HIDALGO jauna (Consultant @ UN HABITAT for TA on Basque Urban Agenda)
- 12:15 – 13:00: Agreeko Hirigintza Sozietateak
- BIDEBI: PEDRO RODRÍGUEZ jauna (Zuzendari kudeatzailea – BIDEBI BASAURI, S.L.) /
- DONOSTIAKO ETXEGINTZA: MAIDER ROMAY andrea (Arkitektoa – Donostiako Etxegintza)
- ENSANCHE21: MIREN CORTAZAR andrea (Arkitektoa, Eraginkortasun Energetikoan eta Birgaitzean aditua – Ensanche 21)
- 13:00 – 13:15: GALDERAK
- 13:15 – ITXIERA
