“Contractors Meeting” bilerari esker, Agree proiektuak soluzioak trukatu ahal izan zituen eta esparru bereko Europako proiektuen jardunbiderik onenak ezagutu ahal izan zituen.
Urrian ekitaldi presentzialetara itzultzearekin, CINEA (European Climate, Infrastructure and Environment Executive Agency) erakundeak LIFE eta Horizon 2020 proiektuak deitzeko aukera izan zuen, 2019az geroztik lehen aldiz.
Ekitaldia Bruselan egin zen, eta energia garbirako trantsizioaren arloan eskualdeetarako eta hirietarako proiektuak deitu zituen, PDA proiektuekin batera (proiektuen garapenerako laguntza).
Inplikatuta dauden pertsonek, bilera horretan, partekatu ahal izan zituzten gai hori hurrengo urteetan finantzatzekoEuropar Batasunean dauden aukerak. Era berean, proiektuen ezarpenean eta komunikazioan jardunbide onak trukatuahal izan zituzten, lankideen artean kudeaketari buruzko informazio erabilgarria parteka dadin erraztuz.
Horrela, antzeko gaietan lan egiten duten kideen sare zabalari esker, parte-hartzaileek Europa osoko ideia inspiratzaileak ezagutu zituzten, eta taldeek aberastu zuten ondoren herritarren mesedetan aplikatuko duten ikaskuntza.
Jardunaldiak bi saio bereizi izan zituen. Lehenik eta behin, jardunbide egokitzat jotzen diren amaitutako PDA proiektuak bateratzeko lanak egin ziren, lanen garapenean atzemandako arazoei aurre egiteko irtenbide nagusiak azaltze aldera.
Bestalde, zenbait talde-saio egin ziren orain garatzen ari diren Agree gisako proiektuetan aurkitutako zailtasun nagusien eta lantzen ari diren irtenbideen bateratze-lanak egin daitezen.
Bi saioen artean —bata goizez egin zen eta bestea arratsaldez—, mokadu bat jan zen instalazioetan bertan, taldeen arteko harremanak errazteko helburu argiarekin.
Jardunaldiaren amaieran, parte hartu zuten proiektu guztiek balorazio positiboa egin zuten, eta hurrengo urteko jardunaldia hobetzeko zenbait proposamen egin ziren.
